في مثل هاليوم .. جيت على الدنيا .. بعد انتظار طويل ..
6 سنوات .. من الانتظار ..
يا فرحتهم فيني ..
امي تقول ان اخواني كانوا يصطفون طابور .. كل شوي دور واحد عشان يحملني ..
اختي الكبيرة .. كانت هوايتها تلبسني وتكشخين وتصورني ..
اشكرها من كل قلبي صوري وانا بيبي كلها من ايدها …
كبرت كم سنة .. والي حولي معجبين .. بدلعي.. فصاحتي .. واسلوبي في الكلام ..
عيال خالتي .. يجون عند امي .. يطلبون ياخذوني عشان يودوني يم اصحابهم ..
عشان يورونهم الطفلة المعجزة
” ويوم تزوجت وشافوا زوجي .. علموه بالقصص .. الي كنت اسويها ..يؤؤؤه قمة الاحراج ..”
شيطونه شوي .. طويلة لسان شوي .. لكن على خفة دم …
….
وكبرت اكثر .. ونضجت .. ..” السنة الجاية اعطيكم التفاصيل ” >>>
والحين 25 سنة مرت ..
قدرت احقق فيها اهم احلامي ..
درست .. تخرجت .. توظفت .. تزوجت ..
كلها محطات من احلى محطات حياتي..
مرت علي لحضات حب وشوق ونجاج .. وفخر ..
ومرت علي لحضات احباط .. لحضات حزن.. فقدت احباب .. ..
لكن ..
ما زالت احلم .. واتمنى ان احقق الكثير ..
امال واحلام كبيرة ودي احققها ..
اتمنى هالسنة تكون خير علي وعلى الجميع يا رب …
** اسفة اني ابتعدت فترة عن المدونة ..والتدوين ..
لظروف أمر فيها 
دعواتكم 
يآنآسوآآآآ عليك
حبيت طريقة كلامك عن نفسك ^^ ..
آلله يزيد أفرآحكـ ويسعد قلبك ..
وإن شآء الله تقدري تحققي بآقي آحلامك ..
(f)
الله يسلمك يا رب ..
ويحقق احلامك
كل عام وانتي طيبه يا غلاي
وعسى ربي يوفقك ويسعدك
جميل طرحك ننتظر جديدك
وانتي بألف خير ..
ويوفقك يا رب..
ربي يوفقك ان شاء الله ويقدرك تعلمين اكثر واكثر …. لعائلتك ولمجتمع التدوين هنا !
كرما لاامرا
لكن لا لا تبعتدين عن المدونه
ويوفقك ان شاء الله ,, اسعدتيني ونورتيني
ربي يسمع منك .. وان شاء الله بحاول قد ما اقدر ,,
اني اكون قريبه من المدونة ومنكمـ
ما شاء الله تبارك الرحمن..
ما توقعت إنك بالعشرينات.. لا ومتزوجه ^^ توقعتج صغيره جداً !
ربي يحفظج ويبارك فيــج حبيبتي.. ويحقق لج كل أحلامج :*)
:
كل عام وانتي بخير.. كل عام وانتي لله أقرب عزيزتي !
فمان الكريم وحفظه ،،
تسلمين حبيبتي ,,
يبان ان صغيره هاا .. يمكن لان روحي لسه طفلة
ربي يسلمج ويحفظك لأهلك يا رب,,
اسعدني تواجدك
كل عام وأنت إلى الله أقرب ،،
ماشاء الله حققتِ الكثير والمهم ،، أمامك المزيد وفي طريق تحقيقهم بإذن الله
متحمسة أقرا في مدونتك أكثر وأتعرف عليها كمان وكمان D;
أتمنى لكِ التوفيق ،،
(F)
وانتي بخير وصحة وسلامة ..
اي الحمد الله حققت الكثير ,, والاجندة مليانه .. ولسى باقي اكثر ,,
المدونة تحت امرك ,,
ربي يوفقك
مبدعه ماشاء الله عليك =)
كل سنه وانتي حلوه وطيبه ودلووعه وحبوبه ومستانسه < هههه تعبت وانا انسّق الكلمات ترآآ :$
ويارب يهنيك بحياتك ويسعدك يالغاليه ~
تستاهلين كـل خير حبيبتي . .
تسلمين حبيبتي ..
هههههههههه عجبني الترتيب متعوب عليه والله
اسعدني مرورك
كل سنة وإنتِ أسعد وأجمل و أفضل ^.^
أتمنى لك التوفيق وتحقيق أمنياتك ،، ربي يكون بعونك و تتجاوزي هالظروف
ارجعيلنا بانتظارك ..
واعتذر عن وصولي متأخرة :#
هوني صديقتي الحبيبه ,,
ان تصل متأخرا خير من ان لا تصل *_^
نورتي حبيبتي .. واتمنى لك التوفيق انتي بعد ..
نورتي
http://pinkdream0.wordpress.com/
اتشرف بزيارتك
وسجليني من متابعينك دائما
انا كمان .. حاولت ازورك بس مدونتك محذفة:)
عفوا
لكن اول مدونه سويتها مدري العيب فيني ولا فيهم
كانت مليانه اخطاء
مايفتح مربع التنسيق
واختفت المربعات الجانبيه
وصلت مرحلة الطفش
وحذفتها وسويت جديده
تو اشوف ردك اليوم
وعلى هالرد السكر قلت لازم اعطيك الرايط الجديد
http://pinkdream87.wordpress.com/
ما شاء الله ،
أطال الله عمركِ على طاعته ،